Það er okkur sönn ánægja að geta boðið upp á sannkallaða ævintýraferð til Slóveníu, þar sem Alparnir mæta Miðjarðarhafinu. Í landinu er fjöldinn allur af veiðimöguleikum sem þú átt eftir að upplifa. Náttúrufegurðin er óviðjafnanleg, mannfólkið vinalegt og veðrið yfirleitt gott. 

Þú munt veiða í ám þar sem þú veður út til að kasta á rétta staðinn, engir bátar eru notaðir.

Því er nauðsynlegt að taka með sér góðar vöðlur. Markmið hvers dags er að veiða ólíkar tegundir silunga, þar á meðal regnbogasilung, marble trout (marmarasilung), staðbundinn urriða, lækjarlontur og grayling. Öllum fiski er sleppt og veitt er með önglum án agnhalds og nettum taumum.

Fly Fishing Agency hefur hafið samstarf við ferðaskrifstofuna Visitor. Visitor hefur áralanga reynslu í bókunum og skipulagningu viðskipta- og hópferða um allan heim. Hvort sem viðskiptavinir eru litlir eða stórir getur Visitor veitt persónulega þjónustu þar sem sérstök áhersla er lögð á að finna hagstæð verð og þægilegar ferðaáætlanir í þeim fargjaldafrumskógi sem flugfélög og hótelkeðjur bjóða upp á.